كيف وصلنا لذي المرحلة ؟

 

كنت طاير بالسيارة مستعجل عندي موعد صيانة جوال في بيت الزبون وما ابغا أتأخر عليه, بس كان ضرووووري اوقف عند اسطورة العرايسي اخذ شاهي حساوي.

هذه كافتريا موجودة جمب محل الجوالات القديم حقنا (وقتها قفلنا المحل وصرنا نقدم خدمة صيانة جوالات متنقلة).

اصحاب المحلات دائماً يتجمعون هناك, كنت يوميا اروح اخذ شاهي حساوي واسلم عليهم واضحك معاهم شوي ومنها اخذ خبرتهم فالبزنس.

 

سوالف التجار كانت اغلبها عن السوق والزباين ومكتب العمل، وكيف اوضاع البزنس كانت تمام والحين الاوضاع صارت سيئة والناس صارت ماسكه فلوسها والزبون صار يكاسرهم على الريال.

كله كلام سلبي والكل يشتكي، كنت احس باحباط لما اشوف اصحاب الخبره واللي فاهمين فالبزنس اكثر مني بمراحل جالسين يعانون وفاقدين الامل.

 

مره واحد يقولك “لازم تسوي عروض” ويجيك الثاني يقول “الشيء الاهم تحسّن الخدمه عشان الزبون يرجعلك” واللي فجأة يقرر يبيع بدون مكسب!! بيكسر سعر السوق عشان يجيب زباين اكثر.

 

كل يوم تسمع وتشوف اشياء عجيبة! واغلبهم مشاكلهم كانت عشان الزباين قليل ومافي مبيعات, لو زاروهم زباين اكثر بتزيد مبيعاتهم وبتنحل اغلب مشاكلهم 

 

بس الكلام مرا سهل ..

 

ذاك اليوم ما كان واقف عند الكفتريا الا ابو سعد، ابو سعد واحد من التجار المخضرمين فالسوق, خبرته فالتجارة تعدت 20 سنه، وعنده مشاريع في مجالات مختلفة ما شاء الله.

 

وانا اسلم عليه لاحظت محل العطورات والمكياج الكبير مقفل، وما كان وقت صلاة!! 

 

سألته ”وين الشباب ؟ غريبة مقفلين!!“

رد علي بتنهيده ”الشركة قفلت الفرع“

”من جدك؟؟  حسبت امورهم ماشيه تمام، خاصة انه ذا واحد من اكبر شركات العطور والمكياج المعروفة فالسعودية“ سألته وانا حزنان عالشباب اللي خسرو وظايفهم

قالي ”السوق مره ضعيف يا إبراهيم، وقوة المنافسة ما ترحم لا صغير ولا كبير“

 

كان نفسي اخذ واعطي معاه اكثر بس في زبون جالس يستناني، فذاك الوقت بالذات احنا كان عندنا مشكلة من نوع ثاني.

 جربنا طريقة جديدة من باب الاستطلاع  والاستكشاف، والطريقة هذه فجرت الواتساب عندي وعند براء بطلبات الزباين.

 

فعلياً الناس بدأت تزعل منا على المواعيد والردود المتأخرة, اضطرينا نطلب مساعدة أصدقائنا  المنافسين (اصحاب  محلات الصيانة)  يصلحون جوالات زبايننا  معانا عشان نقدر نغطي الطلب!!!

 

تبغى تعرف ايش سوينا بالضبط؟؟

وقت ما كانت المحلات تقفل من نقص الزباين, احنا كنا نخسر الزباين عشان مو قادرين نلقى وقت نخدمهم, كل فنيين الصيانة عندنا جداولهم مليااانة!!!

 

لو تبغى تعرف السر شيك على ايميل بكره , بقولك ايش سوينا بالضبط وكيف تقدر تسوي نفس الشيء في مشروعك الخاص.

 

اتفقنا ؟ 

يلا استنى رسالة بكره بتكون بعنوان : ”السر“

 

شكراً لك

 

إبراهيم بأُم عينه

 

ملاحظة : ترا باقيلك ٤ ايام والكوبون اللي ارسلناه لك حق التصميم المجاني تنتهي صلاحيته , لا تضيع فرصتك تعلن معانا وتكبر مشروعك.

 

اعلن الان

https://tashweesh.sa/home/حملات-سناب-شات/